Það voru 16 hressir félagar sem skruppu í Þjórsárdal og létu hvorki kulda né snjókomu stoppa sig. Gaukshöfði, Hjálparfoss, Hrauneyjar, Gjáin og Háifoss voru meðal staða sem voru heimsóttir.
Líkt og í öðrum dagsferðum sem Fókus stendur fyrir var stemmingin góð og nokkuð víst að það eru margar áhugaverðar myndir á minniskortum félaga eftir daginn.
Þriðjudaginn 30. janúar næstakomandi verður opið hús þar sem þátttakendur sýna nokkrar mynda sinna úr ferðinni, auk þess sem farið verður í gegnum myndvinnsluæfingar á nokkrum myndum úr ferðinni að auki.
Skráðu þig í Fókus ef þig langar til þess að komast í skapandi og skemmtilegan félagsskap áhugaljósmyndara og taka þátt í starfseminni.