Það var fjölmennt og góðmennt á opnun annarrar sýningar Fókus í Skotinu á Ljósmyndasafni Reykjavíkur í dag, 27. febrúar.
Næsta þema í sýningu Fókus opnað
„Landslagið“ hengt upp
Í morgun var önnur sýning Fókus af sjö, þetta árið, sett upp. Hluti sýningarnefndar og komandi sýnenda drifu upp þær myndir sem sýndar verða í þemanu „Landslag“ í Ljósmyndsafni Reykjavíkur, Grófinni.
Spenna var í lofti að sjá útkomuna og tilhlökkun mikil fyrir opnuninn sjálfri á föstudaginn 27. febrúar kl. 16:00-18:00. Allir hjartanlega velkomnir.
Myndir af vinnu við uppsetningu tók Bára Snæfeld.
Bára Kristinsdóttir heimsótti Fókus
Bára Kristinsdóttir heimsótti Fókus þann 17. febrúar og gaf okkur innsýn í feril sinn og verk. Hún fór yfir nokkur verkefni sín, notkun mismundandi myndavéla, filmu, poilaroid og digital. Bára fjallaði um eldri verkefni og þau nýrri. Í kynningu Báru mátti sjá hvernig persónuleg nálgun, hlýja, hugmyndir, efni og aðferðir fléttast saman í heildstæða frásögn.
„Við almyrkva breytist allt“ – Sævar Helgi og himingeimurinn
Það var nánast fullt á félagsfundi þriðjudagskvöldið 27. janúar þegar 58 Fókusfélagar mættu og hlýddu á mjög fróðlegt erindi Sævars Helga Bragasonar um komandi almyrkva á sólu.
Lesa áfram „„Við almyrkva breytist allt“ – Sævar Helgi og himingeimurinn“Samsýning Fókusfélaga í Ljósmyndasafni Reykjavíkur opnuð
Það var góð stemming í Ljósmyndasafni Reykjavíkur föstudaginn 9. janúar þegar um 60 manns fögnuðu opnun sýningarinnar Skotið í Fókus.
Sýning verður til
Það var vaskur hópur Fókusfélaga sem mætti í Skotið í Ljósmyndasafni Reykjavíkur á miðvikudaginn og setti upp fyrsta hluta sýningarinnar Skotið í Fókus. Bára Snæfeld Jóhannsdóttir tók nokkrar myndir af uppsetningunni sem gekk í alla staði vel.
Lesa áfram „Sýning verður til“SKOTIÐ í Fókus 2026
Fókus – félag áhugaljósmyndara í samstarfi við Ljósmyndasafn Reykjavíkur heldur sýningar í SKOTINU allt árið 2026.
Sýningarröðin kallast „ SKOTIÐ í Fókus 2026 “ alls verða sjö sýningar með mismunandi þemu. Sýnendur verða fjörutíu og sex talsins og hver sýning stendur yfir í sex vikur.
Lesa áfram „SKOTIÐ í Fókus 2026“Jólarölt Fókus – Selfoss
Það var eitthvað sérstaklega hátíðlegt við það að þrettán félagar í Fókus hófu árlegt jólarölt á Norðlingaholti: þrettán ljósmyndararnir, hver með sitt skap, sína linsu og sína skoðun á því hvort betra væri að klæða sig eins og í fjallgöngu eða til göngu á rauða dreglinum í Cannes. Hópnum var skipt í bíla og svo ekið af stað stundvíslega kl. 12:10 yfir heiðina. Á leiðinni skiptist fólk á sögum og vangaveltum um stillingar á myndavélum í skammdeginu. Ekki var annað að sjá en að allir væru í góðu skapi — og að Gunna væri á nýju skónum. Enginn vissi hvernig dagurinn færi en eitt var víst að alltaf verður ákaflega gaman þá er fókusfélagar hittast.
Lesa áfram „Jólarölt Fókus – Selfoss“Sýning Fókus 2026
Fókus – félagi áhugaljósmyndara hefur verið boðið til samstarfs við Ljósmyndasafn Reykjavíkur með sýningar í SKOTINU allt árið 2026.
Alls verða þetta sjö sýningar með mismunandi þemu. Sýnendur verða fjörutíu og sex og hver sýning stendur í sex vikur.
Þemu sýninganna eru:
● Hreyfing
● Landslag
● Vetrarmyndir
● Abstrakt
● Götumyndir
● Svart-hvítt
● Vatn
Félagið er afar stolt af að hafa fengið þetta boð og hlakkar mjög til samstarfsins.
Undirbúningsvinna fyrir fyrstu sýninguna, prentun mynda, gerð kynningarefnis o.fl., er nú á lokametrunum.
Opnun fyrstu sýningar er föstudaginn 9. janúar kl. 16.00-18.00
Við hvetjum ykkur til að taka daginn frá og fagna með okkur.
Sýningarnefnd Fókus 2026
Pop-up ljósmyndasýning með Guðmundi Ingólfssyni
Rúmlega 30 félagar mættu á stórskemmtilegan og líflegan kvöldfund þann 18. nóvember þar sem Guðmundur Ingólfsson, ljósmyndari, sýndi fjöldann allan af útprentuðum myndum, sagði sögur af myndefnum, myndavélum og hverju því sem honum datt í hug.
Lesa áfram „Pop-up ljósmyndasýning með Guðmundi Ingólfssyni“