Nokkrir Fókusfélagar hittust við Esjurætur í kvöld, 20. júní, og gengu um í umhverfi Mógislár. Þar var ýmislegt að mynda, fallegur skógarbotn, tré, lúpína í blóma og sitthvað fleira.
Veðrið lék við félaga og sólin var við það að setjast yfir Esjunni og sló gylltum bjarma á skóginn, skógarkerfilinn og lúpínuna.
Að vanda var spjallað um áhugamálið, hvort sem það snerist um græjur, filtera, focus-stacking eða birtuna í umhverfinu.
Það var sérlega ánægjulegt að fara út að mynda í góðu veðri, njóta góðrar birtu og finna gróðurlyktina í loftinu.
Þetta var næstsíðasta rölt starfsársins, það síðasta verður þriðjudaginn í næstu viku og munu félagar fá nánari upplýsingar í tölvupósti þegar nær dregur.
Fleiri myndir úr röltinu má sjá í Facebook hópi Fókus.
Skráðu þig í Fókus ef þig langar til þess að komast í skapandi og skemmtilegan félagsskap áhugaljósmyndara og taka þátt í starfseminni.
Á spjallinu okkar geturðu svo meðal annars fylgst með umræðum og séð myndir úr ferðum félagsins.