Fókus – Síða 2 – Félag áhugaljósmyndara

Félagsstarfið hefst á ný

Nú þegar haustar að vaknar Fókus – félag áhugaljósmyndara af dvala. Stjórn hefur sett saman dagskrá fyrir haustið. Félagar eiga von á tölvupósti með frekari upplýsingum um næstu viðburði og starfið framundan.

Fyrsti fundur starfsársins er þriðjudaginn 12. september kl. 20.00 og er kynningarfundur þar sem stjórnin ætlar að fara yfir dagskrána.

Ef þú hefur áhuga á að taka þátt í þessu öfluga og skemmtilega ljósmyndastarfi getur þú skráð þig í félagið hér og fengið nánari upplýsingar um fundi, ferðir, sýningu félagsins og árbók.

Við hlökkum til komandi vetrar og vonum að við náum sem flest að vinna að áhugamálinu okkar, bæta okkur og læra eitthvað nýtt.

Kvöldrölt við Mógilsá

Nokkrir Fókusfélagar hittust við Esjurætur í kvöld, 20. júní, og gengu um í umhverfi Mógislár. Þar var ýmislegt að mynda, fallegur skógarbotn, tré, lúpína í blóma og sitthvað fleira.

Lesa áfram

Næturferð Fókus 9. júní

Það var glaðbeittur hópur 18. ljósmyndara sem lagði af stað í óvenjulega ljósmyndaferð seinnpart dags, föstudaginn 9. júní. Leiðin lá út á Snæfellsnes, þar sem planið var að mynda stórkostlegt landslagið þar við sólsetur og sólarupprás í einni og sömu ferðinni.

Lesa áfram

Kvöldrölt í júní

Síðasti hluti á starfsári félagsins eru kvöldrölt alla þriðjudaga í júní. Það fyrsta fór fram 6. júní og mættu um 15 félagar í Hólavallakirkjugarð, röltu þar um og mynduðu og enduðu svo kvöldið á kaffihúsi í léttu spjalli.

Lesa áfram

Áhugaverðar sýningar og hlaðvörp

Nú þegar styttist í lok starfsársins hjá okkur er kannski snjallt að benda fólki á hlaðvörp sem hægt er að hlusta á í útilegum og á ferðlögum, sjónvarpsþætti og annað sem getur stytt okkur stundirnar á milli þess sem við förum út að mynda í sumar.

Við minnum þó á opið hús 16. maí og kvöldrölt sem verða öll þriðjudagskvöld í júní og félagar munu fá nánari upplýsingar um í tölvupósti.

Lesa áfram

Aðalfundur 2023

Aðalfundur Fókus fór fram þriðjudaginn 2. maí. Mæting var góð, tæplega 30 félagar mættu.

Lesa áfram

Kvöldfundur með Atla Þór

Í síðustu viku heimsótti Atli Þór Alfreðsson, auglýsingaljósmyndari, okkur og sagði okkur frá fjölda verkefna sem hann hefur unnið á farsælum ferli, bæði hér á Íslandi og víðar.

Lesa áfram

Glæsileg ljósmyndasýning opnuð

Laugardaginn 4. mars opnaði í Borgarbókasafninu í Spönginni ein stærsta ljósmyndasýning í sögu Fókus. 46 ljósmyndarar eiga þar ljósmyndir þar sem þemað er Mynstur náttúrunnar.

Lesa áfram

Árleg samsýning hefst 4. mars

Samsýning Fókus verður haldin í Borgarbókasafninu í Spönginni og stendur frá 4. mars til 14. apríl 2023.

Þema sýningarinnar er „Mynstur náttúrunnar“ og hefur mikill metnaður verið lagður í að tryggja gæði sýningarinnar, meðal annars með því að fá faglærðan sýningarstjóra, Díönu Júlíusdóttur.

Henni innan handar er finnski ljósmyndarinn Kasper Dalkarl, en bæði hafa þau útskrifast með meistarapróf í listum og menningu með áherslu á ljósmyndun frá Novia háskólanum í Finnlandi.

Nú í ár taka 46 áhugaljósmyndarar þátt í sýningunni og eru mörg þeirra að sýna verk á sýningu í fyrsta sinn.

Formleg opnun sýningarinnar er kl 14.00, laugardaginn 4. mars. Léttar veitingar verða í boði, vonumst til að sjá ykkur sem flest.

Fókus – félag áhugaljósmyndara býður ykkur velkomin á sýninguna „Mynstur náttúrunnar“.

Hreyfing með tilgangi

Þriðjudagskvöldið 21. febrúar 2023 hélt Rannveig Björk Gylfadóttir erindi um ICM tækni (Intentional Camera Movement). Hún rakti sögu sína sem áhugaljósmyndari og hvernig þetta tiltölulega óþekkta form ljósmyndunar náði að heilla hana. Hún starfar sem hjúkrunarfræðingur og núvitundarkennari. Gaman að segja frá því að hún skráði sig í Fókus s.l. haust eftir að hafa heyrt af félaginu frá vinkonu í Fókus.

Lesa áfram