Það er óhætt að segja að félagsstarfið í Fókus hafi farið kröftulega af stað. Kynningarfundurinn í september var fjölmennur, góð þátttaka í kvöldrölti, vel heppnuð ferð í Kerlingarfjöll og myndasýning á opnu húsi.
Rétt tæplega 50 Fókusfélagar mættu á vel heppnaðan kynningarfund 14. september síðastliðinn þar sem Daðey Arnborg Sigþórsdóttir kynnti starf vetrarins.
Það er svo sannarlega margt skemmtilegt framundan og hægt að kynna sér dagskrána hér.
Helgina 23.-24. september hélt hópur Fókusfélaga í ljósmyndaferð í Kerlingarfjöll sem félagið stóð fyrir. Veðrið var svolítið krefjandi en á opnu húsi þann 26. september voru sýndar 139 myndir úr ferðinni og ljóst að fjöllin hafa boðið upp á mörg spennandi mótíf og stemmingin í hópnum verið sérlega góð.
Hér er brot af þeim myndum sem sýndar voru á opna húsinu.
Framundan eru kvöldfundir með fyrirlesurum, kynning á Leica myndavélum, heimsókn í Ljósmyndasafn Reykjavíkur, kvöldrölt og dagsferð. Undirbúningur fyrir árlega ljósmyndasýningu félagsmanna er einnig hafinn.
Skráðu þig í Fókus ef þig langar til þess að komast í skapandi og skemmtilegan félagsskap áhugaljósmyndara og taka þátt í starfseminni.
Á spjallinu okkar geturðu svo meðal annars fylgst með umræðum og séð myndir úr ferðum félagsins.