Bílastæðahús Hörpu

[Gunnar_Freyr]

Ég og Kaja gerðum okkur ferð í miðbæinn í gærkvöldi, í þeirri von að mannlífið væri komið á fullt í blíðunni. Þrátt fyrir milt veður var varla hræða á ferð og við gerðum bara gott úr þessu og fórum á kaffihús. Allt í einu mundi ég eftir stiga niður í bílastæðahús Hörpu þar sem tröppur, veggir og loft eru máluð í sterkum rauð/orange lit. Ég rambaði á þetta á sínum tíma, með Ragnhildi í Fókus og þetta býður upp á marga möguleika. Svo kíktum við inn í bílastæðahúsið og þar eru lituð loftljóst hér og þar, allt að 3 litir í hverju ljósi. Við lékum okkur í þessum ljósum í dágóða stund. Þetta er líka skemmtilegt umhverfi til að mynda í með hráu steypuna í bakgrunni. Það er alveg þess virði að kíkja þangað og leika sér í portrett myndatöku. Það er perla í Hörpunni

[Ragnhildur]

Fáum við að sjá einhverjar myndir?

[Gunnar_Freyr]

Fáum við að sjá einhverjar myndir?

Ég er ekki að pósta mikið af myndum yfir höfuð en læt eitthvað fylgja hér. Eru nánast óunnar nema ég bjó til SH útgáfur því ég geri það við 90% af mínum myndum. Læt samt litaútgáfurnar fylgja því litirnir voru mjög dóminerandi í þessu tilviki. Við tókum helling af myndum en þessar þurftu litla vinnslu að mínu mati og voru því valdar hér.

[Elin Laxdal]

Takk fyrir ábendinguna. Skemmtilegar myndir.