Einu sinni var

Verið velkomin á „Einu sinni var“, sýningu sem er hönnuð með það í huga að bjóða þér í ferðalag um slóðir þar sem mörkin á milli myndrænnar framsetningar og tímalausra minninga eru óljós. Myndirnar sem hér eru geyma fjölda sagna sem hver og ein kallar fram einstakt sjónarhorn á liðna tíð og sameiginlegan reynsluheim fólks. Á ferð þinni um sýninguna munt þú upplifa kunnugt og ókunnugt landslag og tengjast frásögnum sem rjúfa mörk landamæra og tímabila. Gamlar húsarústir og raddir fortíðar minna okkur á hversu vanmáttug við erum gagnvart tímanum sem æðir áfram. Hver mynd endurspeglar ólíkan þátt mannkyns en saman kalla þær fram vangaveltur um tengslin á milli fortíðar, nútíðar og framtíðar. Sýningarstjóri er Yael BC og aðstoðarsýningarstjóri Lea Amiel.

Formleg opnun sýningarinnar fer fram laugardaginn 2. mars 2024 kl 14.00 á Borgarbókasafninu í Spönginni. Léttar veitingar verða í boði.

Fókus er félag áhugaljósmyndara sem er nú á sínu 25. starfsári og hefur haldið sýningar nær árlega frá upphafi. Þátttakendur sýningarinnar eru 39 talsins og hefur engu verið til sparað í frágangi ljósmyndanna, en prentun og innrömmun myndanna fór fram á Akureyri í öruggum höndum Benedikts Sigurgeirssonar hjá Ljósmyndaprentun.is og frágangur hjá Innrömmun og handverk.

Fókus þakkar samstarfsaðilum kærlega fyrir veittan stuðning en þau eru:
Origo / Canon á Íslandi
Reykjavík Foto
Hugbúnaðarsetrið
Obeo Travel AS
Ljósmyndaprentun.is
Prentmet Oddi
Reykjavíkurborg
Borgarbókasafnið Menningahús Spönginni

Sýninganefnd Fókus 2023-2024:
Brynja Jóhannsdóttir
Jón Bjarnason
Kristján U. Kristjánsson
Ósk Ebenesersdóttir
Sigríður Jóna Kjartansdóttir

Stjórn Fókus 2023-2024:
Daðey Arnborg Sigþórsdóttir
Guðjón Ottó Bjarnason
Kristján U. Kristjánsson
Ósk Ebenesersdóttir
Svanur Sigurbjörnsson
Tryggvi Már Gunnarsson
Þorkell Sigvaldason

Ljósmyndun sem listmiðill

María Kjartansdóttir. Mynd: Ósk Ebenesersdóttir.

María Kjartansdóttir, listrænn ljósmyndari, kom til okkur með fyrirlestur sem bar yfirskriftina „Ljósmyndun sem listmiðill“. Þar fór María yfir vegferð sína sem ljósmyndari og hvernig stíll hennar hefur þróast í gegnum árin en hún hefur tekið þátt í fjölmörgum listviðburðum og sýningum og unnið til ýmissa verðlauna. 

Lesa áfram „Ljósmyndun sem listmiðill“

„Þú rammar inn með fótunum“ – kvöldfundur með Golla

Félagsstarfið í Fókus hófst aftur eftir áramót á fyrirlestri hjá Golla, frétta- og heimildaljósmyndara sem fór fram í kvöld, þriðjudagskvöldið 9. janúar. 46 félagar mættu og hlustuðu á frásögn hans af alls kyns verkefnum og sáu fjöldann allan af myndum úr safninu hans.

Lesa áfram „„Þú rammar inn með fótunum“ – kvöldfundur með Golla“

Félagsstarfið hefst á ný

Nú þegar haustar að vaknar Fókus – félag áhugaljósmyndara af dvala. Stjórn hefur sett saman dagskrá fyrir haustið. Félagar eiga von á tölvupósti með frekari upplýsingum um næstu viðburði og starfið framundan.

Fyrsti fundur starfsársins er þriðjudaginn 12. september kl. 20.00 og er kynningarfundur þar sem stjórnin ætlar að fara yfir dagskrána.

Ef þú hefur áhuga á að taka þátt í þessu öfluga og skemmtilega ljósmyndastarfi getur þú skráð þig í félagið hér og fengið nánari upplýsingar um fundi, ferðir, sýningu félagsins og árbók.

Við hlökkum til komandi vetrar og vonum að við náum sem flest að vinna að áhugamálinu okkar, bæta okkur og læra eitthvað nýtt.