Fókus

Sæl öll,

Ég kíkti til Dk í síðasta mánuði og nýtti tækifærið til að taka smá street myndir. Eitt það skemmtilegasta sem ég veit er að gera þetta þegar ég er á ferðalagi um heiminn. Ég verð svo glöð, að mér fer alltaf að finnast allir svo fallegir sem ég sé. Vil taka myndir af öllu þessu fallega fólki og töff stöðum Sérstök en góð tilfinning.

Í Dk kíkti ég við á Reffen, sem er svona samsafn af street food stations og fleiru. Ég hefði getað verið þarna heilan dag bara að mynda og njóta en því miður gafst ekki tími til þess. Fer pottþétt þarna aftur. Ef ég ætti heima í Dk þá væri ég líklega allaf þarna

Hér eru nokkrar myndir frá staðnum en ég náði ótal skemmtilegum að mínu mati.

Skemmtilegar myndir, en er ég svona gamaldags að finnast myndir sem eru ekki í fókus ekki nógu góðar? Aðrar finnst mér mjög góðar og skemmtileg vinnsla á myndunum, takk Ragnhildur að sýna okkur hvað er að gerast annarsstaðar en á Íslandi þessa dagana

Sara Ella skrifaði: ↑

Sun Okt 18, 2020 9:43 pm

Skemmtilegar myndir, en er ég svona gamaldags að finnast myndir sem eru ekki í fókus ekki nógu góðar?

Takk Sara. Gaman að fá athugasemd frá þér og vangaveltur um fókus í ljósmyndum. Þetta er góð spurning. Fyrir mér, þá vegur tilfinning fyrir myndinni þyngra en fókus. Þegar ég horfi t.d. á þessar tvær myndir sem ég póstaði og eru ekki í fókus, þá vekja þær upp tilfinningar um ást og kærleik. Hreyfingin bætir mögulega við hverfulleika. Augnablikið sem er liðið.

Einnig má velta fyrir sér hvort slíkar myndir falli frekar undir abstract hlið ljósmyndunar - nú eða eru bara lélegar

Það væri gaman að heyra hvað fleirum finnst

Ragnhildur skrifaði: ↑

Mán Okt 19, 2020 4:37 pm

Einnig má velta fyrir sér hvort slíkar myndir falli frekar undir abstract hlið ljósmyndunar - nú eða eru bara lélegar

Það væri gaman að heyra hvað fleirum finnst

Veistu, ég hef verið að spá í þessu. Þetta er svolítið vandmeðfarið og vandamálið með myndir sem eru úr fókus er hvort það var viljandi gert eða ekki. Hérna fæ ég á tilfinninguna að mikið sé að gerast þarna.

Það er endalaust hægt að spá og spekúlega, það er einmitt það sem hverjum og einum finnst um sína mynd sem er svo skemmtilegt, ekki láta einhvern sem er ekki á sömu skoðun skemma fyrir manni, við sjáum myndefnið í mismunandi ljósi og auðvitað er það tilfinningin ekki síður en hvernig myndin ,,á að vera". Flott hjá þér Ragnhildur og gaman að fá svar frá þér, kveðja yfir götuna