Fókus

LJÓSMYNDAKEPPNI FÓKUS - MARS 2020

Vinsamlega lesið eftirfarandi punkta vel yfir:

ÞEMA: EKKI LANDSLAG
Nú þurfa margir að fara út fyrir þægindarammann, því nú mega landslagsmyndir ekki taka þátt - ekki nema það sé umhverfisportrett en það þarf að vera alveg skýrt að aðalviðfangsefni myndarinnar sé ekki landslagið sjálft.

Helstu atriði:

• Ljósmynd skal vera tekin í mars árið 2020.

• Keppnistímabili lýkur á miðnætti þriðjudaginn 31. mars.

• Hægt verður að senda inn myndir í keppnina til 7. apríl

• Kosning hefst miðvikudaginn 8. apríl.

• Kosningu lýkur kl 18.00 mánudaginn 13. apríl og munu niðurstöður kosninga birtast í kjölfarið.

• Afhending verðlauna fer fram á Fókusfundi þriðjudaginn 14. apríl kl 20.00 með fyrirvara vegna veiruástands.

• Þessi tiltekna keppni er opin öllum, bæði Fókusfélögum og öllum notendum spjallkerfisins.

• Sigurvegari keppninnar hlýtur Lowepro Pro Messenger 180AW axlartösku, í boði Beco - ljósmyndavörur og þjónusta., og annað sætið hlýtur gjafabréf fyrir myndavélahreinsun.

• Í tilefni þess að verðlaun eru í boði í keppninni munu stjórnendur Fókus og keppnisstjóri EKKI taka þátt í keppninni, til þess að taka af allan vafa um framkvæmd keppninnar.

Innsending mynda:

• Aðeins ein ljósmynd á hvern keppanda.

• Ljósmyndin má ekki hafa verið áður birt hér á spjallinu né á Facebooksíðu Fókus

• Ljósmynd skal senda með tölvupósti á netfangið keppni@fokusfelag.is.

• Nauðsynlegt er að stuttur titill fylgi hverri ljósmynd, myndir án titla verða ekki með í keppninni.

• Hámarksstærð viðhengja er 25 megabæti og eingöngu verður tekið við JPEG/JPG skrám.

• Undirskrift eða vatnsmerki er EKKI leyfilegt á myndum, höfundamerktar myndir verða ekki með í keppninni.

• Engin hámarksstærð er á myndum en lágmarksstærð er 900 pixlar á breiddina.

Í þessari þriðju keppni ætla Beco að styrkja okkur með TVENNUM verðlaunum. Sigurvegarinn hlýtur Lowepro Pro Messenger 180AW vandaða og sérlega flotta axlartösku og annað sætið hlýtur gjafabréf í myndavélahreinsun hjá Beco. Við þökkum Beco kærlega fyrir stuðninginn.





Gangi ykkur vel!

Þakka þér fyrir Kiddi, góð hugmynd. Bara ein spurning: Hver er munurinn á umhverfisportretti og landslagsmynd ?

Elin Laxdal skrifaði: ↑

Fim Mar 19, 2020 12:40 pm

Þakka þér fyrir Kiddi, góð hugmynd. Bara ein spurning: Hver er munurinn á umhverfisportretti og landslagsmynd ?

Ég myndi halda að í umhverfisportretti þá er manneskja eða eitthvert mannvirki að spila aðalhlutverkið og landslagið er einfaldlega bakgrunnur eða leikari í aukahlutverki

Hér má sjá skilgreiningu Wikipedia á umhverfisportretti: https://en.wikipedia.org/wiki/Environmental_portrait

Ég veit það er smá lægð yfir Fókusfélaginu okkar þessa dagana vegna ástandsins en keppnirnar okkar munu halda áfram og í þessari keppni eru tvenn verðlaun í boði Beco. Þemað er EKKI LANDSLAG sem er ansi víðtækt en samt krefjandi þema fyrir mörgum, og þið hafið fram á þriðjudaginn 31. mars til að ná verðlaunamyndinni Þið hafið svo uþb. viku til að vinna hana og koma henni í pósthólfið hjá keppnisstjórninni okkar, keppni@fokusfelag.is

Ég vona að þið hafið náð einhverju bitastæðu í marsmánuði og séuð byrjuð að vinna myndirnar, opið fyrir innsendingu í keppnina til 7. apríl