Síða 1 af 1

Álftafjörður

Sent: Lau Apr 18, 2020 8:35 pm
af Emil
Í gærkvöldi var ég í kulda og trekki á leiðinni fyrir Álftafjörð á Skógarströnd. Aldrei þessu vant var engin umferð. Því stoppaði ég bílinn, skrúfaði (segir maður þetta?) niður hliðarrúðuna, greip myndavélina og smellti af einni mynd. Eins og myndin ber með sér vannst ekki tími til að bregða þrífætinum undir myndavélina. Skýin voru á fleigiferð og langaði mig að fanga gatið í þeim þar sem það blasti við mér.

Má ég heyra hvað ykkur finnst? Hvað gæti ég gert öðruvísi?

Re: Álftafjörður

Sent: Sun Apr 19, 2020 10:52 pm
af Arngrímur
Mér finnst þetta vel gert hjá þér að fanga þetta augnablik, og t..d flott hvernig það er jafnvægi í myndinni að ofan og neðan. Held að þrífótur hefði ekki gert mikið fyrir þessa mynd það er ekki það sem kemur upp í hugann. Bara flott mynd.

Re: Álftafjörður

Sent: Fim Maí 28, 2020 9:40 pm
af Daðey
Mér finnst þetta flott mynd, hrá og drungaleg. Kápa á spennusögu. Ég held ég hefði ekki gert þetta öðruvísi en einmitt svona.