Eyþór Ingi Jónsson er tónlistarmaður og ljósmyndari á Akureyri. Hann stundar fuglaljósmyndun af miklum krafti og undanfarið hafa landslagsmyndirnar hans vakið verðskuldaða athygli. Þessa dagana er til dæmis úrval mynda eftir Eyþór til sýnis á Glerártorgi á Akureyri.
Lesa áfram „Þú þarft að geta hlustað á þögnina“Vikuáskorun 18.-24. febrúar
Þema vikuáskorunarinnar vikuna 18.-24. febrúar er svarthvítt.
Tilgangur með svona áskorun er að gefa ykkur hugmynd að myndefni og því er öllum frjálst að taka þátt.
Áhugavert ljósmyndatímarit
Konunglega ljósmyndafélagið (Royal Photographic Society) Í Bretlandi hefur sett öll tímarit sín á stafrænt form og gert þau aðgengileg almenningi án endurgjalds. Félagið var stofnað 1853 og fyrsta tímaritið kom út 3. mars það ár. Tímaritið, sem er sagt vera elsta ljósmyndatímarit í heimi, fjallar um svo gott sem allar hliðar ljósmyndunar hvort sem það er frá sjónarhóli listar, tækni eða vísinda. Það er fróðlegt að kíkja á þessi tímarit og sjá hvernig umfjöllun um ljósmyndum hefur þróast.
6. Stjórnarfundur með félagsmönnum
Fundargerð 6. stjórnarfundar Fókus hefur verið sett inn á spjallið okkar og má finna hér: 6. stjórnarfundur Fókus, 26. janúar 2021
Þetta var mjög áhugaverður fundur með góðum umræðum um starf félagsins. Mæli með að kíkja á hana, einkum ef þú komst ekki á fundinn.
ATH það er einungis í boði fyrir Fókusfélaga að sjá fundargerðina.
Fréttamyndir ársins 2020
Nú stendur yfir í Ljósmyndasafni Reykjavíkur sýning á fréttamyndum ársins 2020 sem valdar voru af óháðri dómnefnd fyrir Blaðaljósmyndarafélag Íslands.
Myndin hér fyrir ofan var valin mynd ársins og er birt hér með leyfi frá Blaðaljósmyndarafélaginu. Myndin er hluti af myndaröð þar sem fjallað erum Covid-19 og álagið sem því fylgdi á Landspítalanum. Ljósmyndari / Þorkell Þorkelsson.
Lesa áfram „Fréttamyndir ársins 2020“Fókus streymi í kvöld!
Fókus streymi á Teams fyrir meðlimi Fókus kl. 20 þann 9. febrúar 2021.
Allir meðlimir eru búnir að fá póst með hlekk inn á fundinn. Leitið í ruslsíum og öðru en inboxinu ykkar ef þið sjáið ekki póstinn eða hafið samband í fokusfelag@fokusfelag.is
Dagskrá fundar
- Gunnar Freyr og Daðey fara aðeins yfir það ljósmyndanám sem þau hafa stundað í sitt hvorum skólanum. Farið verður yfir hvernig kennslunni er háttað, hvað er gott og hvað mætti vera betra, próf, verkefnaskil o.s.frv.
- Gunnar Freyr fer lauslega yfir sitt vinnuflæði í Capture 1 Pro myndvinnsluforritinu og hraðvinnur eina mynd.
Tekið verður við spurningum eftir hvorn dagskrárlið fyrir sig en einnig eru fundargestir hvattir til að nota möguleikann í Teams og biðja um orðið á meðan á kynningu stendur og bera fram spurninguna þá.
Hlökkum til að sjá ykkur!
Vikuáskorun 4.-11. febrúrar
Vikuáskorun vikuna, 4.-11. febrúar, er „Speglun„.
Öllum er velkomið að taka þátt í þessari áskorun. Tilgangur hennar er að gefa ykkur hugmyndir að myndefni, gera eitthvað nýtt og leika ykkur. Við hlökkum til að sjá allar flottu myndirnar ykkur!
Setjið ykkar myndir á spjallið okkar hér: Vikuáskorun 4.-11. febrúrar
Jólakeppni 2020
Ef marka má heimasíðuna okkar þá virðist sem lítið hafi verið í gangi undanfarnar vikur, sem er kannski rétt að einhverju leyti því við höfum þurft að draga verulega úr hefðbundnum viðburðum vegna ástandsins í samfélaginu. Við höfum hinsvegar ekki setið alveg auðum höndum og við höfum undanfarið gert myndvinnsluæfingar þar sem félagsmenn hafa fengið að spreyta sig á eftirvinnslu bæði ljósmyndum hvors annars og einnig atvinnumanna. Svo er hin árlega árbók komin í prentun og væntanleg fyrir jól, en 40 félagar tóku þátt í bókinni sem við erum hæstnægð með. Loksins eru komnar leiðbeiningar varðandi notkun spjallsins okkar, en okkar eigin Tryggvi Már Gunnarsson var svo góður að búa til kennslumyndbönd fyrir okkur, hægt er að nálgast þau í flipa sem birtist undir Spjallið hér í valmyndinni uppi.
Jólakeppni 2020 er komin í gang og mun Origo / Canon á Íslandi gefa sigurvegara keppninnar Canon Selphy Square QX 10 ljósmyndaprentara að verðmæti 28.900 kr. Þemað er einfaldlega jólin 2020 og að þessu sinni ætlum við að takmarka þátttöku við félagsmenn Fókus. Skilafrestur í keppnina er 27. desember og mun kosning hefjast strax í kjölfarið og að lokum verður sigurvegari gerður kunnur á miðnætti á gamlárskvöld.
Hrekkjavökukeppni Fókus
Nú er um að gera að fá lánuð börn, andlitsmálningu, reykvélina og drífa sig út í kirkjugarð.
Sýning á Mokka
Yfir stendur áhugaverð sýning á Kaffi Mokka. Við mælum með að félagar kynni sér hana
Smellið á myndina fyrir frekari upplýsingar