Fókus

Það er talsvert af fuglum sem flækjast til landsins og alltaf spennandi að ná góðum myndum af þeim.


Glóbrystingur.
Glóbrystingur er algengur flækingur frá Evrópu og sést hér árlega. Myndina tók ég í Sólbrekku við Grindavíkurveg í nóvember 2017.



Gráhegri.
Það er talsvert af Gráhegra á landinu og virðast þeir þrífast nokkuð vel hér. Ég var búinn að eltast talsvert lengi við fuglinn og frétti af honum í Grafarvogi, í Ölfusi og víðar, en ekkert gekk að ná mynd af honum fyrr en ég heyrði að það væri Gráhegri við Ástjörn í Hafnarfirði. Ég skaust þangað í hádegismatartímanum og náði að mynda fuglinn í apríl 2017. Síðan þá hef ég séð talsvert af Gráhegrum við Elliðavatn, Vífilstaði og víðar. Gráhegrinn kemur frá Evrópu og talið að flestir þeirra komi frá Noregi.



Gráþröstur.
Gráþröstur kemur frá Skandinavíu og sést hér oft á haustin og fram á vetur. Hann sækir í fóðurgjafir á veturna og er mjög frekur á fóðrið og lætur ekkert vaða yfir sig. Þennan myndaði ég í Sólbrekku við Grindavíkurveg í febrúar 2018.

Glæsilegt.

Flottar myndir.

Nokkrir flækingar í viðbót. Flestir þessara fugla eru myndaðir á Reykjanesi enda mikið af flækingum sem stoppa þar. Dulþrösturinn er sá eini í þessari grúppu sem myndaður er annar staðar, en hann myndaði ég í Hallskoti í Flóa, hjá Skógræktarfélagi Eyrarbakka.

Bjarthegri á Miðhúsasíki í Garði


Bókfinka í Sólbrekku við Grindavíkurveg


Dulþröstur í Hallskoti í Flóa


Fjallafinka í Sólbrekku við Grindavíkurveg


Flóastelkur á Sandgerðistjörn

Flottar myndir hjá þér.

Aðeins meira af flækingum.

Háleggur
Háleggur hefur bara sést einu sinni á Íslandi. Hann hélt sig að mestu á síkjunum í Garði í maí 2017 og hvarf svo þegar leið á sumarið.

Hettusöngvari
Hettusöngvarinn er árlegur flækingur á Íslandi og sést víða. Þetta er kvennfugl, en karlinn er með svarta hettu. Myndaði þennan í Sólbrekku í nóvember 2018.

Hringdúfa
Hringdúfur sjást hér á landi á hverju ári og þessa myndaði ég í skógræktinni á Akranesi í mars 2018. Þær eru algengur skógarfugl um alla Evrópu.

Hringmáfur
Hringmáfur er mjög líkur Stormmáfinum en svarti hringurinn er meira áberandi en á Stormmáfinum. Myndin er tekin í október 2018 í Elliðaárdal en Hringmáfurinn sést nokkuð oft og víða á Íslandi. Hringmáfurinn þvælist hingað frá Ameríkuhreppi og Canda þar sem hann er nokkuð algengur.

Hrísastelkur
Þessi fallegi fugl kemur frá Ameríku og hefur tegundin sést rúmlega 20 sinnum á landinu og myndaði ég hann á Sandgerðistjörn í maí 2019. Hrísastelkurinn er mun ljósari en okkar Stelkur og með gula fætur meðan okkar er með rauða.

Fallegar myndir hjá þér. Ég dáist að þeim sem hafa þolinmæðina og kyrrðina sem þarf í svona myndatöku

Ég á ennþá nokkra flækinga eftir.

Kolönd.
Þessa mynd tók ég af Kolönd sem hefur verið nokkuð aðgengileg í Keflavík og Njarðvíkurhöfn, en myndin er tekin í mars 2017, í Njarðvíkurhöfn þar sem öndin fylgdi hópi æðarfugla.

Krossnefur.
Krossnefur telst varla til flækinga lengur þar sem hann verpir orðið hér á landi. Þessa myndaði ég í skógræktinni í Hafnarfirði í apríl 2016 og Krossnefurinn er einn af fyrstu flækingsfuglunum sem ég náði mynd af. Kvenfuglinn er grænleitur og karlinn rauður. Krossnefurinn verpir oft upp úr áramótum eða frá desember fram i júní. Goggurinn er sérhannaður til að ná fræum úr grenikönglum sem er aðalfæða hans.

Leirutíta.
Þessa Leirutítu myndaði ég suður í Garði í maí 2019 og er hún sú níunda sem sést hefur á landinu og í fyrsta sinn sem hún hefur sést að vori til, en hingað kemur hún frá Ameríku. Hún var nokkuð gæf og kærði sig kollótta um ljósmyndarana sem lágu í drullunni.

Mjallgæs.
Nýjasti flækingurinn minn. Mjallgæs er algeng gæs í norðurhluta Ameríku og sést hér öðru hvoru. Hún er með hópi Grágæsa sem menn telja ættaða af Reykjavíkurtjörn og hefur sést til hennar í Mosfellsdal í vetur, kom svo á lækinn okkar í Hafnarfirði í desember 2019 og eftir það sást hún á Álftanesi með gránunum.

Nátthegri.
Þeir voru þrír Nátthegranir sem heimsóttu landið í apríl 2017 og héldu sig í fjörunni við Stafnesvita. Fuglarnir eru númer 11-13 í röðinni yfir Nátthegra á landinu. Það var frekar langt færi fyrir myndavélina enda gæðin í myndinni eftir því.

Virkilega flottar myndir hjá þér Heiðar og gaman að sjá þessa flækinga. Ég er búinn að ná tveimur flækingum á mínum stutta fuglamynda ferli.

Hettusöngvari í Sólbrekkuskógi, karlinn með svatra hettu og konan með rauða.Svo er það Fjallafínka, veit ekki hvort kynið er. Tekin Sólbrekkuskógi.

Heiðar Rafn skrifaði: ↑

Mið Des 18, 2019 9:57 pm

Það er talsvert af fuglum sem flækjast til landsins og alltaf spennandi að ná góðum myndum af þeim.


Glóbrystingur.
Glóbrystingur er algengur flækingur frá Evrópu og sést hér árlega. Myndina tók ég í Sólbrekku við Grindavíkurveg í nóvember 2017.


_MG_7614.jpg



Gráhegri.
Það er talsvert af Gráhegra á landinu og virðast þeir þrífast nokkuð vel hér. Ég var búinn að eltast talsvert lengi við fuglinn og frétti af honum í Grafarvogi, í Ölfusi og víðar, en ekkert gekk að ná mynd af honum fyrr en ég heyrði að það væri Gráhegri við Ástjörn í Hafnarfirði. Ég skaust þangað í hádegismatartímanum og náði að mynda fuglinn í apríl 2017. Síðan þá hef ég séð talsvert af Gráhegrum við Elliðavatn, Vífilstaði og víðar. Gráhegrinn kemur frá Evrópu og talið að flestir þeirra komi frá Noregi.


_MG_6532-Edit-Edit.jpg



Gráþröstur.
Gráþröstur kemur frá Skandinavíu og sést hér oft á haustin og fram á vetur. Hann sækir í fóðurgjafir á veturna og er mjög frekur á fóðrið og lætur ekkert vaða yfir sig. Þennan myndaði ég í Sólbrekku við Grindavíkurveg í febrúar 2018.


_MG_8719.jpg

Glæsilegt!