|
Skrifað af Helgi Bjarnason
|
|
laugardagur, 04 júlí 2009 |
 Lokið er sumarrölti, kvöldgöngum sem ferðanefnd Fókuss efndi til í sumar. Gengið var sex kvöld um nokkur hverfi höfuðborgarsvæðisins, yfirleitt með leiðsögn Fókusfélaga sem uppalinn er í hverfinu.
Þátttaka var góð. 97 tóku þátt í heildina. Áhuginn var mismunandi, frá 11 til 27. Röltið um Laugarneshverfið með Hilmari Snorrasyni sló öll met. 27 tóku þátt og er það mesta þátttaka í ferð sem félagið hefur skipulagt og upplýsingar eru skráðar um.
Kvöldgöngurnar hafa nú verið í þrjú ár og stígandi verið í þátttöku. Þannig gengu 34 í fjórum ferðum 2007, 51 í jafnmörgum göngum 2008 og 97 í sex skipti 2009. Meðaltalið í hverri göngu hefur tvöfaldast á þessum tíma, úr rúmlega átta í sextán.
Helga Jörgensen tók myndina í Kópavogsröltinu. Þarna er verið að gera upp veiðarfæri í Barmahlíð.
Næsta ferð sem ferðanefnd hefur skipulagt er haustferðin. Farið verður til Vestmannaeyja 28. til 30. ágúst.
|
Gagnasafn 
